Tikhor An Cawh Lio Ah Minung 3 Oxygen An Ngah Lo Ruang Ah An Nunnak A Liam. Vaute [March] 18, 2023_CCN Channel. Shan ramkulh, Hopang peng, Manhkhaing sang ah nihin Vaute 18 chun sml 2:30 hrawng ah tikhor an cawhnak ah minung 3 oxygen an ngah lo ruang ah an nunnak a liam tiah theih a si. A thimi hna ruak cu checkhlatnak tuah ding in Hopang Sizungpi ah an kalpi hna tiah theih a si. Burmese
Thawngpang dang: Breaking News: Trump An Tlaih Khawh Men TCP II March 19, 2023 (Zarhpi). US President hlun Donald Trump cu sualpuhnak pakhat ruangah hmaizarh nihnih ni March 21 ah khin an tlaih khawh men tiah theih a si. Hi kong hi amah Trump nih amah Social Media a simi TruthSocial ah a tialmi a si. Sual an puhnak cu kum 2016 thimnak hlan deuh ah blue-film lemcang a simi Stormy Daniel cu a kaa phihnak ah Trump sihni hna nih tangka an pek timi a si.
Hi sualpuhnak hi New York khuapi Manhattan sihni zungin a puangmi a si. Hi kongah Manhattan sihni zung nih cun biafiang an chim duh rih lo. Stormy Daniel nih Trump he pehtlaihnak an ngeih balnak kong a rak chim i, asinain cucu Trump nih a dik lo tiah a al ve.
Trump hi an tutan sual an puhmi kongah taza an cuai i an tlaih taktak ahcun US tuanbia ah President hlun an tlaih hmasa bik a si lai, hi hlan ah a um bal lomi a si tiah Akron University in Political Science Professor David B.Cohen nih a chim. Cu pinah 2024 thimnak kong zongah tampi a hnorsuan khawh tiah ramkhel thiamsang hna nih an chim.
