Htilin Peng Kahdohnak PDF Pakhat A Hawile Chanhnak Hna Ah A Nunnak Liam. 2023|Vaute 19|Gangaw pengkomh, Htilin peng Se-min-taw khua pawng March 18 kahdoh nak ah Yow Revolution Army-Htilin PDF Kyaw Min Lwin (kum 21) cu a hawi le a chanh chuahnak hna ah a thi. Ralhrang ttah-mah(တပ်မ) 77 hna cu tualchung PDF nih an kah lio hna ah an karlak ah hriamngan pakhat a tla i PDF a hawi le hnu pil hna seh tiin a mah pakhat lawng nih ralhrang a rak kah piak chung hna lio ah a nunnak a liam hi a si.
Hi i kah lio ah hin ralhrang lei nih hriamngan he fa he an hman tuk caah kan mah PDF umnak karlak ah hriamngan pakhat a tlai i minung 3 hliam an tuar, hliam tuar mi a va chanh chuah nak hna ah a mah tu a thih hi a si. A zanlei ah kan hawipa ruak cu kan va lak khawh i AK meithal pakhat aa tlaih mi ralhrang nih an lak piak.”tiah an hruaitu pakhat nih a chim. Yow Revolution Army- Htilin PDF cu ralhrang nih uknak lak hnu in a tu ni tiang ah minung 20 an nunnak a liam cang tiah kan theih.Crd: LML
Thawngpang dang: An ci kan hmih hna lai’ tiah an hmurka cun an chim veve ko nain an lungthli ah cun zeibantuk hriamtlai phu hmanh ci hmih taktak asi kho lo, cabuai cung biaruahnak lawng hi a phi taktak hmuh nak hmun a si timi an i fiang veve ko, MAH phu le a molh pah lomi dohthlennak phu hruaitu vialte nih. MAH a unau a simi Kawl miphun le a thawpi a simi rampi cozah an temtuar ahcun MAH nih cabuai cung biaruah a duh lai. Nain tuni tiang ah Mandalay in Kawlrawn thlang lei vialte cu democracy lio tluk deng in normal life khua an sak ko caah MAH nih cabuai cung panh a duh theng lomi hi si dawh a si.
Kannih Laitlang belte ah cun ral a thawh ah kan miphun dihlak nih kan tuar, kan uico le ar tiang nih an tuar. Sipuazi, fimcawnnak le ngandamnak vialte ai ngol dih. Hihi kum 5 kan peh ahcun Chinram ah Chinmi 50% leng kan zor te lai, kan miphun tlau hram ai thawknak zong asi te kho. Hitluk kan sungh hi Kawl pate MAH a lungfak lai lo. ‘Nan celh tiang kan peh lai’ a ti ko lai.
Karen le Kachin bantuk in miphun nih a temtuar caan a vun sau deuh ahcun a celh ti lomi upa lungfim hna nih cabuai cung biaruah ding CNF upa hna kha pressure pek a tam te lai. A celh ti lomi an karh tuk caan a phak tikah cun KNU lukawngpa bantuk in kahdaihnak minthut a si ve te ko hnga— cutikah cheukhat nih cun ’cabuai biaruahnak ca menmen ah maw hi vialte miphun dawtu hna nih nunnak an pek’ tiah a thli tein an phunzai len ve te lai. Khi caan a phak ding ka tuak ah kan miphun caah ka ngaih a chia.
