Malaysia Ummi Salai Thomas Biak Thawm Lian A Tlau

MIHLO KAN NEI: Hmin: Salai Thomas Biak Thawm Lian Pa Hmin: (Lian Nawl) Nu Hmin: Hlawn Tang, Khua: Taal, Thuhla theih netabik: November, 2022 Umnak netabik: Miharja Apartment, Maluri Salai Thomas Biak Thawm Lian cu 2013 February ah Malaysia a thleng ih kum (9) hnu, 20.11.2022 ah Maluri (Miharja Apartment) a umnak inn ih sin a suak ih tuni tiang hmuh ding le thawmvang theih ding a um nawnlo a si. A unau sung khat le rualpi pawl thinhar mangbang vansang in an um ih tuni (24.01.2023) FRO office ah thu in theih ter a si. Curuangah Salai Thomas Biak Thawm Lian ih thuhla le umnak a theitu nan um asile a rang theibik in a tanglam ih phone number ah pehtlaih dingin zangfah kan lo dil a si. Pehtlaihnak Esther Pa: 016 283 4416 FRO Hotline: 012 337 0091 FPM-FRO Malaysia 24.01.2023

SAC Nih Chin Ram Vanlawng Hmang In Bomb A Thlaknak Kong Ah CNO Nih Cathanh Chuah: SAC ralkap nih 2023, kum hram thawk in Chin ramkulh chung ah thazaang a hleihluattuk hmang in ral tuknak vanlawng he voi tampi bomb thlaknak a tuah. 2023, January 10 le 11 ah CNF/A headquarter Camp Victoria cu bomb a thlak caah CNA ralkap 5 an nunnak a liam, siizung, sichiahnak le inn zong an rawk. 2023, January 7,8,22 le January 23 ah Mindat peng khuate siizung, sianginn, ralhrial umnak sakhan le khuami hna umnak inn zong vanlawg in voi 8 tiang bomb a thlak caah sualnak ngeilo tualchung mi hna cu hliamhma tuar zong an um i inn le lo zong tampi a rawk.

No photo description available.

Hramhram in thilsual le kahdohnak an tuah ruang ah nunnak a liam mi hna le sunghnak fahnak a tuartu mipi nih nan tuarmi cung ah CNO/CNDF nih kan in tuarpi hna. SAC nawlngeihnak a hmunnak ding caah a tubantuk in Chin ramkulh telh in Myanmar ram hmunkip ah vanlawng in kahdohnak a tuahtu SAC ralkap cu CNO/CNDF nih dohthlennak a tuahtu ralkap bu hna he ṭangṭi in SAC ralkap uknak an hram a cah tiang pehzulh in kan doh lai tiah Chin National Organization CNO nih cathanh an chuah. TCP

Sponsor in US auhnak ah ‘refugee hlun a si lai’ timi hrim a um lo. Refugee taktak a si lai timi lawng a um. UN zung nih refugee ah a cohlangmi poah cu a thar he a hlun he an i khat dih ko hna. Cun, mah program hi kum khat ca lawng asi lo, Australia i bantuk in kum caan saupi ai peh dingmi a si. Atu ah Malaysia le Delhi kal ai thawh tharmi caah auh khawh a si lo timi cu hlen bia a si. A hlun auh khawh ahcun a thar zong auh khawh a si lonak ding lam a um lo. A tlai deuh ve lai nain auh khawh asi ve ko lai.

No photo description available.

Tulio kan ram dirhmun in cun atu a zam tharmi khi dakaw ‘refugee sit’ taktak cu nan si cuh. Lih in mi an hlenmi ka huat pah caah ka vun i thlak ta bia. Malay kalnak zong ka tuah lo, Delhi kalnak zong ka tuah lo mu—Salai Ceubikthawng bantuk in lihbia a zum i ‘Malay puaisa’ ah aka ruatmi nan um sual lai tiah. Credit: Salai Lungthli Tum

Mirang Dotu Pi Tial Nawn Pi Tial Nawn cu Hakha Sangpi Bawi Chief fanu a si. A chuahkehnak hi fiang tein hngalh a si lo nain Mirang nih Lairam an rak uk lio ah ngaknu a si cang caah 1890 hrawng ah chuah dawh a si. Pi Tial Nawn cu Sangte chung Pu Lian Mo fapa Van Mang he an i um. An nupa in miphun le ram dawtnak thinlung a ngei mi an si. Kan miphun le kan ram hi ningcang loin mi nih an kan tuah ding a si lo. Minung kan si, saram kan si lo, sal kan si lo ti lungput a ngeimi an si.

Mirang nih Laimi cu an rak uk hna i mirang nih duhpoh in rian an fial hna, rian an tuanter hna. Cucaah Pu Van Mang le Pi Tial Nawn nih an pen mi hna khua vialte cu hitihin thawng an thanh hna: “ Mirang nih miphun dang ram in ra in Laimi an kan uk, an duhpoh in an kan tuah, rian an kan tuanter ningcang lo in an kan tuahnak hi kan zoh sawhsawh ding a si lo. Cucaah kan tho lai i mirang hi kan doh hna lai,” tiah thawng an thanh dih hna.

May be an image of 1 person

Pu Van Mang le Pi Tial Nawn nih hiti thawng an thanh mi cu mirang nih an theih tik ah tlaih ding in khua an khang. Mirang nih tlaih an duh ko hna nain tlaihkhih awktlak in sualphawtnak an hmuh lo caah an tlai kho hna lo. Cucaah mirang nih “Pu Van Mang, na sia nih lam a hrawh dih, na sia hi tha tein na zoh hna lo” tiin an ti i Pu Van Mang cu an tlaih i thong ah an thlak hna. A va thong i an thlak tik ah Pi Tial Nawn a lung a fak ngaingai. Pi Tial Nawn hi bawiphun fanu a si lawng lo, miraltha, mifim, biachim thiam le mi a hruai kho ngai mi nusal tha pakhat a si.

Hi lio caan cu Vawleicung Ralpi Pakhat nak lio a si caah Hakha vuanthok bawi nih pa pohpoh min cazin a lak I German ram ah kal dih ding in nawl a chuah. Sihmanhsehlaw Laimi hna nih German ram i thih nakcun kan ram ah thih hi a tha deuh. Cucaah mirangtu hi kan doh hna lai I kan ram in kan thawl hna lai tiah ruahnak an rak ngei. Cucaah Pi Tial Nawn cu khuakip ah a kal i Sakta ah tonnak ngeih ding in a sawm hna.

Sakta Pu Ral Dun inn ah 1917 October 30 ah tonnak an rak ngei. An biachah mi cu, Pi Tial Nawn cu, Hakha, Hniarlawn, Nabual, Farrawn, Bualtak, Mangnu le Zokhua peng dihlak ah kal in sawmnak tuah seh tiah rian an rak pek. Cu hmun i a biachim le a kampau ning zoh tik ah Nu ko thlak nih mah zaantim ahcun a vapa Pu Van Mang aiawh in bia tampi a chim khawh ko dahnagi, a ralthat ning le a chim ah tihnak phannak le launak pakhat hmanh ngei loin bia a chim, a chim mi kha rian in a langter zungzal caah an uarnak le an upatnak a si.

May be an image of 1 person

An khuakhan mi vialte cu mirang nih an theih dih caah mah zaan pumhnak i aa tel mi vialte cu mirang nih an tlaih dih hna i thong ah an thlak dih hna. Pu Van Mang le Pi Tial Nawn cu mi hruaitu, ralthawhnak a tuahtu nan si tiah hawidang nak fak deuh in bia an chah piak hna. Van Mang cu ralthawhnak dingah hruaitu a si caah thah siseh, a nupi Tial Nawn cu Hakha khua in hmundang ah thial siseh an ti.

Pu Van Mang cu thah ding, meithal in kah ding in an ti lio ah Pi Tial Nawn cu a tuar kho hrimhrim lo. Ka vapa a thih ahcun a si kho lo, cun ka vapa hi thih ding tlak in sualnak a tuah lo a ti i a vapa cu a kuh, kah antimh ah a phenh. A vapa Van Mang cungah a bok i an kap kho lo. Cucaah mirang nih mi raltha an si, mi a hruai khotu ding an si an ti hna i thah rih loin Monywa thong, Minkhin ah an kuat hna.

Mirang dotu Laimi an tlaih mi vialte hna cu Monywa thong ah an kuat hna. Khuami vialte zong dan an tat ve hna. Kalaywa ah Hleidonhnak thirhri an phorhter hna. Hakha khua ah ti an dilter hna i Ralkap Tili kan ti. A taktak cu Mirang an doh ruangah an cawhter mi hna tidil a si. Tili kam ah mirang a dotu hna an min le an khua cio cu tial dih a si ko. 2015 mincimhnak nih tili cu a hrawh dih.

Pu Van Mang cu thah ding, Pi Tial Nawn cu thawl ding bia an chahnak khumthum hnu ah 1920 ah ral cu a hung dai, zeicah dah ral an thawh ti lo. Ral cu a dai taktak cang maw tiah Hakha Siangbawite sin ah an rak hal hna i Siangbawite nih cun “ Ral a dai taktak cang, ral an thawh channak cu German ral do awkah pa poh nan kal lai tiah Hakha Vuanthok nih a ti hna caah German ram kal duh lo ah a si tiah an leh hna. Lairal a dih cang caah Van Mang cu kum 7, Pi Tial Nawn cu kum 3 ah an thumh hna. Pi Tial Nawn cu kum 3 hnu ah thong in a chuak i Van Mang cu Tedim thong ah an hunthial. Van Mang cu 1923 ah thong cun an hun chuah ve. Thong an tlak kar ah an inn cu an theh piak dih hna. Van Mang le Tial Nawn cu ram le miphun caah thong an thlak hna leng ah an innlo, satil vialte zong an rak thah piak dih hna.

Pi Tial Nawn hi miphun le ram caah a pum aa pe mi nusal tha zohchunhtlak Laimi vialte i dothlennak rian ah kan i zohchunhtlak a si. Laimi tuanbia lawng siloin Kawlram tuanbia ah dothlennak rian ah nuva bak in thongthlak mi le harnak tuar mi an si. Cucaah Pi Tial Nawn cu Laimi tuanbia ah mi raltha, mifim, khuakhan lairel thiam, miphun le ram a dawtu, miphun a hruai khotu tiin Laimi nih philh khawh lo mi nusal a si. Pu Van Man gle Pi Tial Nawn cu thong an chuah hnu ah fanu Pen Tiak an ngei, fapa an ngei lo. Ref: CHIN HRUAITU HNA KENEH DAWH Salai Okla Bik

Author: admin