Kanbalu Ah Ralhrang Bawi Pakhat A Mah Tein A Nunnak Aa La. 2023|Vaute 19| Kanbalu (ကန့်ဘလူ) khua hrambunh SAC ralhrang raltuknak Tank motor tlaitu bawi pakhat (Bo hnih) a si mi Yay Zar Htun cu a mah tein a nunnak aa la tiah khuami le tualchung PDF sin in theih a si.
March 17 ni ah a mah cu zuu tampi a din hnu ah a mah le mah a nunnak aa lak hi a si. “Achung khar hna cu Yangon ah an um, a nupi he hin an tlamtling lo ngai tiah kan theih. A hawi le sin zongah aa nuamh lo pin ah raltuk zong a huam lo tiah an chim. A tu bantuk in a thih ruangah ralhrang lei nih an ui ngai tiah an chim nak kong’ ralhrang nupi pakhat nih a chim.
Aluan cia thla ah Kanbalu khua ah hin raltuk nak Tank motor mawng a thar an phak hnu in hriamngan in a tu le tu khuachung an kah hna. Aruang um lo hriamngan in an kah tuk hna caah March 10 in 13 kar ah khua mi minung 10,000 leng ral an zam”tiah tualchung PDF nih an chim. March 18 ni ah ralhrang hriamnam kah nak in khua mi inn 6 a rawk tiah kan theih.Crd:LML
Thawngpang dang: Chin ramkulh, Falam-Hakha lampi ah ruah lo piin kahdohnak a chuak khomi a si caah mipi nih khualtlawn le umkal rih lo ding in CNO/CNDF nih nihin March ni 19 ah cathanh a chuah. CNO/CNDF nih thawngthanhnak a tuah ṭhan hlan tiang, cuka lampi hman rih lo ding in le cathanh chuahmi nawl zulh cio ding in theihternak a tuah. Sagaing ramṭhen Kalaymyo in SAC ralkap leilawng run cu March ni 7 in Chin ramkulh lei ah aa thawh i, cu ralkap leilawng run cu Falam peng an phan cang tiah theih a si.
Kalay le Falam kar ah SAC ralkap leilawng run hna cu tualchung hriamtlai phu nih an kahdoh hna caah ralkap a thimi zong an um. SAC ralkap leilawng run hna cu Hakha byuha ah minung thazaang, riahcaw le hriamthil chap ding in a rami an si caah kahdohnak a fak kho tiah CNA in chimphuannak nawlngeitu Salai Htet Ni nih a chim.
Thawngpang dang: Chin ramkulh, Falam-Hakha lampi ah ruah lo piin kahdohnak a chuak khomi a si caah mipi nih khualtlawn le umkal rih lo ding in CNO/CNDF nih nihin March ni 19 ah cathanh a chuah. CNO/CNDF nih thawngthanhnak a tuah ṭhan hlan tiang, cuka lampi hman rih lo ding in le cathanh chuahmi nawl zulh cio ding in theihternak a tuah. Sagaing ramṭhen Kalaymyo in SAC ralkap leilawng run cu March ni 7 in Chin ramkulh lei ah aa thawh i, cu ralkap leilawng run cu Falam peng an phan cang tiah theih a si.
Kalay le Falam kar ah SAC ralkap leilawng run hna cu tualchung hriamtlai phu nih an kahdoh hna caah ralkap a thimi zong an um. SAC ralkap leilawng run hna cu Hakha byuha ah minung thazaang, riahcaw le hriamthil chap ding in a rami an si caah kahdohnak a fak kho tiah CNA in chimphuannak nawlngeitu Salai Htet Ni nih a chim.
